裸廚房常溫寶寶粥推薦-香港鐵粉篇

Hello，大家好，我係香港媽媽Kylie，我本身係唔識煮嘢食，更加好討厭食粥嘅人，所以當諗起就嚟6個月要幫BB加固食物真係好煩惱呢！我今次純粹想分享下個人感受同意見，係我人生以來第一次會上網打評論。

有一次機緣巧合之下，喺Facebook 無意中發現日本媽媽介紹裸廚房嘅寶寶粥，首先好明顯係被Kitty包裝吸引我，然後留意內容去對比日本同台灣嘅分別同成份，竟然台灣比日本還要好，當時已經諗好等BB，可以加固時就要買呢個寶寶粥比BB試，咁我就唔識煮都唔使怕（當然我都有盡我努力學習煲粥啦！）。作為一個媽媽，點都會想將最好嘅食物比BB食，所以我就揀咗台灣的不同牌子，日本的通通都買嚟試，結果係裸廚房嘅寶寶粥，我自己試食完竟然覺得好味，一直討厭粥比嘅我完全無諗過可以心接受到，無論材料、口感、質感同味道都感覺好好。

而家到BB一歲啦，我見到裸廚房推出大寶寶粥系列，即刻唔使諗，買嚟試吓啦！嘩！一打開箱，就發現好貼心送咗條西瓜雙面圖案手工造嘅口水肩比BB，然後諗起台灣人好鍾意送一啲小禮物或者明信片之類，收到好開心，又諗到其實好有意思，預備比BB食粥要圍口水肩唔好整污糟啲衫，哈哈！跟住打開咗包裝盒，首先見到透明嘅包裝，好少有透明，市面上見到嘅都係密封鋁紙包裝，所以今次透明包裝就非常好，可以一眼就睇晒裡面有咩材料，真係好多料，肉眼睇比kitty系列起碼多三倍，透明真係好有意思，即刻聯想到同產品名字「裸廚房」好配合，裸～透明，名副其實，好貼切，而且睇得清清楚楚，倒落碗一滴都唔好浪費，哈哈！因為價錢都唔平，但見到咁多材料就覺得貴係有原因，比起其他品牌，真係有分別，而且都幾明顯。如果要跟足買齊材料自己煮，應該計落條數差唔多，分分鐘仲貴（例如買靚啲嘅有機食材或外國進口蔬菜、肉類）。而且我有留意材料成份都有營養師計算過，令我覺得好放心呢！有時想偷懶唔煮或者要出街，帶寶寶粥都好方便，熱水浸幾分鐘就食得。

先講材料，份量一睇就有好明顯嘅對比，食材嘅新鮮度都顏色好好唔同，唔信嘅可以買嚟對比下，而翻熱後倒出嚟嘅質感好好，唔會有睇到好多水嘅感覺，通常粥食到尾都會出水，但呢個寶寶粥無發生出水情況，真心要讚，而且真係唔需要攪拌，已經好均勻，唔會有材料同粥偏差埋一邊嘅情況（某台灣品牌，真係好失望，價錢平都無用），要攪拌先食得，仲要得好少材料。

至於味道方面，真係諗唔到會咁好味，一直以為BB食物都係好難食嘅觀念影響。但因為比BB食嘅嘢最好都要自己先試吓味同有無問題，所以我唔鍾意食粥都要試吓。另外對比其他寶寶粥，你會發現，其他品牌有標示嘅食材喺包粥入面未必會睇到全部，但裸廚房嘅寶寶粥就全部睇到晒，同埋我發現好味嘅其中一個原因係佢所有款式嘅粥都會用唔同嘅肉類或蔬菜高湯去燉煮，所以啲米入晒味。

「蕃茄牛肉燉粥」

打開包裝，就聞到好香嘅蕃茄牛肉味道，放入口試，我完全無諗過粥可以有咁嘅味道，感覺好似飲緊羅宋湯一樣，而且有好香嘅菇味（我本人最鍾意食菇類食物），包裝寫嘅每樣材料都食得出味道，紐西蘭牛肉口感豐富，牛蕃茄果肉膠質多，豐富維他命C同茄紅素，重點係有營養師計算過足夠BB嘅攝取營養成分。之後比BB試食，好快就食晒啦！非常好！

「鯛魚鮮蔬燉粥」

打開後聞到有魚味，係可以接受嘅味道（因為本人十分怕魚腥味），然後倒出嚟用匙羹刮出一絲一絲嘅魚肉，滿滿的好多魚肉，食落口感似食緊蟹肉趴時蔬嘅感覺。鯛魚嘅營養價值有幾高，應該唔使我講啦，大家都知道。因為質感又有啲唔同，BB未試過，所以食得比較慢，攤到凍晒，諗住凍咗會唔肯食啦，點知竟然凍都全部食晒，證明凍咗都仲係好味道。

「陽光彩蔬燉粥」

一啲肉都無，全部都係素菜，打開即刻又聞到好香嘅菇味，無諗過食齋無肉都咁好味，又有我最鍾意嘅薯仔同香菇，食落幾清新，而最特別係選用咗毛豆，營養豐富好有益，一般市面嘅寶寶粥都係選用青豆，好少會用毛豆，真係要比個讚。其他蔬菜嘅膳食纖維相當高，幫助腸道蠕動，真係各方面都照顧到，今次BB第一次食毛豆，無抗拒，都係全部食晒！

總結嚟講，真係好滿意，比我想像中還要好，尤其係「蕃茄牛肉燉粥」真係有驚喜呢！真心值得推介寶寶粥比其他媽媽們試吓。另一個值得推介嘅原因係可以幫到好多新手媽媽嘅煩惱，常溫方便儲存，翻熱方法又簡單，重點係可以節省時間，唔使自己花好多時間同功夫去煮，媽咪又可以輕鬆啲減少壓力，可以留更多時間去照顧同陪伴BB。

雖然有啲長篇，但希望我嘅分享可以幫助到其他媽媽們啦！感謝大家耐心睇晒全文，謝謝！

跨境免運專區：https://www.nakedkitchen.net/pages/oversea